Thursday, 25 January 2018

MOBILE SENSOR

jaise hee koy Smartphone sensor kee baat karta hai to sabse pahale hamaare dimaag mein fingerprint sensor ka naam aata hai. but kya aap sabhee ko pata hai ye mobile sensor ya Smartphone sensor kya hai kitane tarah ke sensor Smartphone mein use kiye jaate hai aur isane kya faayada hota hai. agar aapako nahin pata hai to aapko Smartphone ke sabhee sensors jaise kee proximity sensor kya hai accelerometer sensor kya hai, gyro sensor kya hai. sabhi sensor ke baare mein vistaar se bataane vaala hoon.



SMARTPHONE SENSOR KYA HAI?
Smartphone sensor ek electronic device hai jo mobile ke tarah-tarah ke activity ko observe karta hai aur usse related software / apps /os ko soochna deta hai taaki vah mobile activity ke anusaar output de sake. agar sensor ko general bhaasha mein explain kiya jaaye, to jis tarah ham apane aankhon se dekh kar, haath se chhu kar, naak se gandh lekar, tvacha se mahasoos karake hamaara dimaag samajh leta hai kee hamaare saamne jo kuchh hai vah kaun see vastu hai. isee tarah Smartphone sensor bhee kaam karata hai aur mobile par user dwara diye gaye tarah ke input ko bhaap leta hai.

SMARTPHONE MEIN USE HONE VAALE SENSOR:

1.Accelerometer sensor: ye aapake Smartphone software ko ye bataata hai kee apane phone kis tareeke se pakada hai aur kaise rakha hai. example ke taur par jab aap phone mein auto-rotation mode on karate hai, usake baad jab aap phone mein koyee video/photo open karte hai aur jab phone ko aap seedha pakde hote hai to video/photo seedha deekhata hai aur jab aap phone ko teda pakadate hai to vah vidiyo landschapai modai mein deekhata hai. yah aap sabhee ne bahut se phone mein dekha hoga kee jab phone par koyee call aa raha ho aur aap phone ko ulta kar dete hai to phone silent ho jaata hai. is tareeke ke kaam ke liye accelerometer sensor ka use kiya jaata hai.

2. GYROSCOPE OR GYRO SENSOR:


yah advance tareeke ka accelerometer sensor hai jo phone ke ekadam baareek se baareek movement ko notice karta hai aur uske baare mein Smartphone software ko bataata hai. gyro sensor se phone software ko ye pata chal pata hai ki apane phone ko kis angle se kitana jhuka ke pakada hai. is sensor ka kaam 360 degree photo aur gamming playing mein hota hai.

3.MAGNETOMETER SENSOR:
yah compass ka kaam karta hai, agar manometer sensor nahin hai aapake phone mein to aap map mein kisee jagah ka direction pata nahin laga sakate hai aur na hee aapako kabhee north-south ka pata chal paayega. isee sensor kee madad se metal detector app, paas mein rakhe metal ko detect kar paate hai.

4.PROXIMITY SENSOR:



 yah sensor aapke phone ke baahar kee taraf nazar aata hai, proximity sensor front camera ke paas laga hota hai. yah sensor aapke aur phone ke beech kee doori naapane ka kaam karata hai. aap sabhee ne dekha ho jab aap koy call receive karke apne kaan ke paas lagaate hai to phone ka screen off ho jaata hai

5.LIGHT SENSOR:
 yah bhee sensor phone ke baahar laga hota hai, yah phone screen brightness ko automatic adjust karane ka kaam karata hai. aap sabhee dekha hoga kee jab aap phone ko auto brightness mode par kar dete hai to screen brightness automatic raat mein kam aur din mein jyaada ho jaata hai.

6.BAROMETER SENSOR:
yah atmospheric pressure naapne ka kaam karata hai isake madad se aap ye pata laga sakate hai kee aap samudr tal se kitne upar hai. isake saath barometer sensor ka use gps mein hota hai isase aap accurate location pata karne mein madad milata hai.

7.FINGAIRPRINT SENSOR:

aaj ke samay mein sabse jyaada popular sensor hai aur iske baare mein aap sabhee jaanate hai kee yah aapako finger se phone ko lock/unlock karne ka option deta hai.

doston, yahaan par mainne smartphonai sainsor ke baare mein bataaya hai. kee Smartphone sensor kya hai light, accelerometer, gyro, proximity sensor kya hota hai? yahaan par bataaye gaye sabhee mobile sensor bahut important hai aur aap jab bhee phone buy kare to aap in sabhee sensor ko jarur check kare. hope aap sabhee yah tips pasand aaya ho aur aapake liye helpful raha ho agar aapake paas sensor se related koy bhee savaal ya sujhaav hai to aap comment jarur kare.


EmoticonEmoticon