Wednesday, 17 January 2018

SPEAKER EXPLAIN

SPEAKER COMPUTER ME KESE KAM KARTA HAI



speaker computer hardware ke baahari yantro mein se ek hai. unako computer ke saath jodne ka uddeshy ye hai ki aap computer ki audio sound ko sun sako. ye computer se jude cd, dvd ityaadi mein seve audio ( jaise gaane aur video ) se electronic signal ko leta hai aur unhen audio mein badal deta hai. multimedia aur game bahut hi vikhyaat hote ja rahe hai to unake istemaal mein speaker ka bada yogdaan hota hai. compouter sound card itana jyaada powerfull nahi hota ki vo ek speaker ko chala sake iseeliye speaker ko kaam karane ke liye alag se power ki aava shkata hoti hai. aaj hame alag alag size aur frequency par kaam karne vaale speaker milte hai. 


speaker ke kaam karne ka mulyaankan jyaadaatar teen cheejo ke aadhaar par kiya jaata hai.

1. FREQUENCY
: ye speaker ki aavaaj kee range ( kam ya jyaada ) ki pehchaan karta hai aur usse naapata hai.


2. THD ( Total Harmonic Distortion ) : ye amplifier dwaara diye gaye signal mein se aavaaz ki vikrti ko naapata hai.

WATTSye iss baat ka dhyaan rakhta hai ki speaker mein kitnee shamata ki amplification ho rahi hai.


kare speaker se jaan pehchaan vah jamaana aur tha jab device khaamoshi se ghar ka hissa hua karte the aur switch on karne par hi aap tak apani sevaye pahuchaate the. ab sab badal chuka hai, har device ki apani aavaaj hai. aise mein speakers ki duniya ab keval music system tak hi seemit nahin rah gayee hai. baat computer ki ho, t.v. ki ya phir tablet aur mobile ki, har device apane aap mein ek music system hai aur speaker ke sahaare yah aapki duniya ko aavaajon se saraabor kar sakata hai.

agar istemaal ke hisaab se dekhe to speakers ko 2 categories hai. ek ve jo music system ya t.v. aadi ke saath ke saath attach karke sthaayee tarike se rakhe ja sakte hain aur doosare ve jo movement vaali devices (tablets aur mobiles aadi) ke saath aaraam se idhar-udhar kiye ja sakate hain.

inako bhi jaane speaker khareedne ka khayaal aate hi pmpo aur rms jaise kuchh khaas shabd aapke dimaag mein kulabulaane lagte honge. inke baare mein jaanana bhee bahut zaroori hai.


PEAK MUSIC POWER OUTPUT (PMPO)
                              
yah shabd aapko lagbhag har music system ke prachaar mein sunayi aur dikhayi padata hoga. aapko shaayad yah jaan kar hairaani hogi ki technology ke maamle mein isaki koy ahamiyat nahin hai aur na hi yah kisi speaker ki taakat naapne ka koi standard paimaana hai. yah prachaar ki duniya mein gadha gaya ek shabd hai, jo speaker se aane vaalee sabse unchee aavaaj ko ideal condition mein naap kar banaaya gaya hai. pmpo ka number jyaada hona speaker ke achchhe hone ki guarantee nahin deta.

ROOT MEAN SQUARE (RMS)
Kayi speaker usako speaker ki kshamata ko naapne ki behtar unit maante hain. RMS  ke jariye ham yah pata laga sakte hain ki lagaataar bajaane par koy speaker kitani tez aur saaf aavaaj mein baj sakta hai. saral bhaasha mein samaje to RMS ke paimaane par kas kar speaker khareedne mein hi samajhadaari hai. jitana adhik RMS hoga, utani hi behtar aapko aavaaj milegi. aamataur par isse watt mein naapa jaata hai. haalaanki isse bhi kayi jaanakaar speaker ka steak paimaana nahin maante.
                                                                               

HERTZ (HZ)

hamaare kaano tak koy aavaaj kampan ke kaaran hi pahuchati hai aur kampano ko naapne ke paimaane ko hertz kaha jaata hai. iss liye speaker ki frequency ko bhi hartz se hi naapa jaata hai. speaker ki frequency rang jitani jyaada hogi utani hi alag-alag aavaaje ham sun sakenge. insaani kaan 20hz-20,000hz tak ki aavaaj ko aasaani se sun sakte hain.

SURROUND SOUND



yah aavaaj ko ek khaas tarah se record karane ki ek technique hai, jo sunane vaale ko keval saamane se nahin apane chaaron taraf se aavaaj ke aane ka aabhaas deti hai. jab kayi tarah ki khoobiyon vaale speakers ko khaas setup mein rakha jaata hai aur sunane vaale ko bhi is tarah se bithaaya jaata hai ki vah har tarah ki aavaaj ko apane chaaron or mahasoos kar sake, tab surround sound ka aslee prabhaav sunayi padta hai.


WOOFER AND SUB-WOOFER




Woofer speaker ka vah hissa hota hai, jo kam frequency (4hz-1000hz tak) ki aavaajo ko paida karta hai. jab kayi tarah ki chhoti frequency ki aavaajo ko behtar tareeke se sunane ke liye chhote woofer ka istemaal kiya jaata hai to vah subwoofer kahlaata hai.

TWEETER

high frequency  (2000 hz-20,000hz) ki aavaajon ko sunne ke liye tweeter ka istemaal kiya jaata hai. speaker se sunayi padne vaalee maheen aavaajon ko sunane mein usaka bada yogdaan rehta hai.

VIRUS KYA HAI JANNE KE LIYE YAHA CLICK KARE





EmoticonEmoticon